رواية ياسين ومريم الفصل الرابع 4 بقلم حبيبه احمد
البارت الرابع
كنت منهاره ورجلي مش شيلاني وجسمي كله بيترعش من الخوف
مريم بعياط: هعملك اي حاجه وهديك فلوس بس سيبني ارجوك
الشاب وهو مقرب منها: منا اخدت فلوس بس الصراحه انتي حلو اوي وانا لو سبتك هكون خسران كتير
مكنتش قادره أصرخ علشان المطوه علي رقبتي لحد مظهر فجأة اللي انقذني منه
(مش ياسين يا جماعه😂)
راجل كبير بس شكله ليه هيبه لان
الشاب اول مشافه زقني وجري بس الراجل ده كان شافه وجاه جري عليا لان للاسف من شدة الزقه وقعت علي الارض
الراجل: حصلك حاجه يابنتي
مريم بعياط: ايدي بتوجعني
الراجل: طيب اهدي بطلي عياط هوقف تاكسي وهوديكي المستشفى
مريم كنت بعيط وجسمي بيترعش من الموقف والوجع اللي في ايدي
مريم: لا انا بس عايزه اعمل مكالمه ممكن
الراجل بطيبه: اكيد يابنتي اتفضلي
كنت بكتب الرقم وايدي بتترعش
ياسين: الو
مريم بعياط : ياسين
ياسين: مريم في اي بتعيطي كده لي وتلفون مين ده انتي فين
مريم: عند............
ياسين: طيب متعيطيش خمس دقايق وهكون عندك بس اي حصل
مريم: لما تيجي يا ياسين
الراجل: خلاص اهدي بقي هروح اجبلك ميه من السوبر ماركت اللي هناك وهجيلك
مريم: لا مش عايزه ممكن تفضل هنا لحد ميوصل
الراجل: حاضر يابنتي متقلقيش
بعد كام دقيقه لقيت ياسين جاي يجري عليا
ياسين بلهفه: في اي ايه الي حصل
حضنته من غير تفكير وفضلت اعيط هو في الاول اتصدم بس بعدين فضل يملس علي ضهري ويهدي فيا
ياسين بحنيه: اهدي يا عمري في اي للعياط ده كله
مكنتش قادره اتكلم من كتر العياط فاتكلم الراجل
الراجل: متقلقيش يابني هي كويسه بس ايدها بتوجعها من الوقعه
ياسين: بطلي عياط ممكن وفهميني اي حصل ومال ايدك ووقعتي ازاي
مريم: في واحد كان معاه مطوه ومسكني وخد الفون والشنطه وكان
ياسين: كان اي كملي
مريم هنا رجعت تعيط تاني
ياسين فهم وكور ايده بعصبيه بس اتحكم فيها علشان مش وقته
ياسين: عملك حاجه ولا جاه نحيتك
مريم:لا عمو ده ظهر واول مشافه زقني وجري
ياسين: طب اهدي ايدك بتوجعك
مريم هزت راسها باه
ياسين بحنيه: معلش هنروح لدكتور دلوقتي وبص لراجل شكرا لحضرتك مش عارفه اقولك اي انك فضلت معاها لحد مجيت
الراجل: يابني دي زي بنتي انا معملتش حاجه الف سلامه عليكي يابنتي بعد اذنكم
ياسين: اتفضل قومي يلا علشان نروح لدكتور
مريم ركبت العربيه
ياسين بحنيه وهو سايق: ايدك بتوجعك اوي
مريم: لا شويه بس انا عايزه اروح البيت
ياسين: نروح لدكتور وبعدين هرجعك البيت كنتي رايحه فين
مريم: الكليه
ياسين: ومقولتليش لي كنت وصلتك من امتي بتروحي مكان لوحدك يا مريم
مريم: منا مبكلمكش ومخصماك هقولك ازاي وبعدين انا مش طفله
ياسين بضحك: لا طفله وبعدين مخصماني ازاي بعد الحضن القمر ده
مريم باحراج: انا اسفه مكنش قصدي بس كنت خايفه
ياسين: هو انتي لسه زعلانه منى
مريم: ينفع نتكلم بعدين في الموضوع ده
ياسين: براحتك ياست الكل يلا انزلي وصلنا
مريم: افتحلي مش هعرف افتح
ياسين: اه صح معلش نسيت
روحنا لدكتور وقال اني ايدي اتكسر وجبسهالي
ياسين: اي اللي بتعمليه ده يا طفله بس
مريم بطفوليه: يا ياسين عايزه اشيله مديفني ومش مرتاحه
ياسين: معلش ياحبيبي كام يوم ويعدو بسرعه بس بلاش تحركي ايدك
مريم: ماما هتتخض لو شفتني كده
ياسين: متقوليش حاجة هنقول انك وقعتي بس
مريم هزت رأسها وسندت علي الشباك
وصلنا البيت ودخلنا ماما اول مشفتني اتخضت وياسين قالها اني وقعت
ماما: رايح فين يا ياسين
ياسين: همشي انا بقي وهاجي بليل اطمن عليها
ماما: اقعد يا ياسين هنتغدا سوا وبعدين امشي ومش عايزه مناقشه هدخل احضر الاكل انا
ياسين: سرحانه في اي يا مريومه
مريم: ولا حاجه عادي
ياسين: علي ياسين
مريم : بفكر لو كان عمو ده مظهرش كنت هعمل اي انا كنت مرعوبه
ياسين: متقلقيش انا هجبلك حقك
مريم: ياسين متعملش حاجه ارجوك
ياسين: خايفه عليا بعد كل ده
مريم بصت النحيه التانيه
اتغدينا سوا وبعدين ياسين مشي
بليل كنت قاعده في اوضتي ولقيت ماما بتقولي البس علشان ياسين وباقي العيله هيجو يطمنو عليا
لقيت باب اوضتي بيخبط
مريم: ادخلي يا خلود
خلود: عرفتي من فين ان انا
مريم: حفظاكي يا ختي
خلود حضنتيني: الف سلامه عليكي
مريم: حبيبتي ياخوخه
خلود: يلا نطلع الكل مستنيكي بره
طلعنا وهنا كانت المفاجأة
يتبع....
Habiba ahmed 🖊✨
